Teachers - Наставници

КАРАКТЕРИСТИКИ НА СОВРЕМЕНИОТ НАСТАВНИК

Образованието и воспитанието на учениците е на прво место за наставниците. Современиот наставник секогаш се држи достоинствено и многу му е важен неговиот интегритет. Тој одлично го познава наставниот предмет кој го предава и се труди постојано да биде во чекор со новитетите во однос на неговиот предмет и воопшто со сите новини во воспитно-образовниот процес. Праведен е и гради позитивни односи со учениците, родителите и колегите.

Современиот наставник…

  • Поставува барања, а од учениците има очекувања кои инспирираат, мотивираат и кои претставуваат предизвик за нив

  • обезбедува сигурно опкружување кое поттикнувачки влија врз учениците засновано на меѓусебно почитување;
  • поставува јасни цели и заедно со учениците се труди истите да станат достижни и остварливи;
  • секогаш демонстрира позитивни вредности и однесувања, кои бара да бидат манифестирани и од учениците.
  • Тежнее кон напредок и добри резултати од учениците

  • се смета за одговорен за постигнувањата на учениците, нивниот напредок и резултати;
  • свесен е за способностите на учениците и нивните претходни знаења и согласно тоа ја планира наставата;
  • ги насочува учениците позитивно да размислуваат во однос на постигнатиот успех и идните потреби;
  • знае и применува современи методи, техники и форми на работа со чија помош ги реализира новите наставни содржини, вежби и повторувања;
  • ги поттикнува учениците кон сопствената работа и учење да се однесува одговорно.
  • Манифестира добир познавања на материјалот поврзан со наставниот предмет

  • има добро познавање во однос на наставната програма поврзана со предметот и наставните содржини;
  • ги следи сите новитети поврзани со наставниот предмет кој го предава;
  • предавањата му се јасни, користи литературен јазик и изрази согласно возраста на учениците;
  • Доборо го планира и реализира наставниот материјал

  • ефикасно го користи расположливото време предвидено за еден наставен час;
  • го истакнува значењето на учењето и ги поттикнува учениците за усвојување нови знаења;
  • задава домашни задачи, посочува дополнителни извори за проширување на знаењата и стекнување нови знаења;
  • системски приоѓа кон целиот наставен процес;
  • се труди наставните содржини да ги направи подостапни и поинтересни за учење;
  • Наставата ја прилагодува согласно можностите на секој ученик

  • има ефикасен и одговорен пристап во однос на работењето со сите ученици;
  • знае да ги детектира потенцијалните проблеми во однос на материјата која ја предава и истите ги прилагодува на поедноставен и подостапен начин;
  • има претстава за физичкиот, социјалниот и општествениот развој на сите деца и знае да се прилагоди согласно потребите на учениците;
  • има јасна претстава за децата со посебни потреби (кои имаат потешкотии во учењето по разни основи и учениците кои покажуваат натпросечни знаења) и согласно нивните потреби ја креира наставата.
  • Вреднува согласно стандарди и критериуми

  • оценува согласно законските одредби, критериуми и стандарди;
  • знае што е дијагностичко, формативно, и сумативно оценување и адекватно ги користи;
  • планира, изготвува и користи инструменти за следење и вреднување на постигнувањата на учениците;
  • на учениците во однос на нивното напредување и постигнувања им дава навремени повратни информации.
  • Внимава на севкупното однесување со цел да се создаде пријатна клима за учење

  • согласно законските и подзаконските акти поврзани со воспитно-образовниот процес креира правила кои промовираат добро и прифатливо однесување;
  • има големи очекувања од учениците во однос на нивното однесување;
  • успешно го води одделението користејќи соодветен пристап согласно потребите на учениците;
  • одржува добри односи со учениците истовремено им е пример за добро однесување.
  • Успешно ги извршува општите работи поврзани со неговата работа

  • дава позитивен допринос во однос на севкупниот училишен живот;
  • развива ефикасен и професионален однос со колегите заснован на меѓусебна помош, меѓусебно разбирање и толеранција;
  • ефикасно ги користи расположливите ресурси;
  • сака континуирано стручно да се надоградува;
  • остварува редовни и индивидуални средби со родителите во однос на постигнувањата на учениците во сите сфери од воспитно-образовниот процес.

Ј.Б.

Advertisements

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.